له ئێردا وه ئاگاداری یارسانیهل چو جوور تاكهكهس یا ئهندام له ڕیكخریاگهل یارسانی ڕهسنیم كه له ڕووژ یهكشهمه 22.11.2009 دهمژمێر 13:00 له ئوسلوو سهمینارێك/كونفرانسێك تێته دامهزراندن وه بهشداری یارسانیهل له ڕێز ئهنجومهن فهرههنگی یارسان (ئفی)، كوومهڵگهێ ئایینی- فهرههنگی یارسان و برا كوردهكان ناوچهێ زههاو له ڕێز یهكیهتی ڕێكخستنێ بنهماڵه كوردیهكان (یڕبك).
دیاره ئی كووموه بینه فره گرنگی درێهته پێ، چویكه خاڵگهلێك گرنگ و سهرهكی كه گره خوهێتوه پهێوهندیه كوومهڵاێهتیهكان له گوزهشتهێه نریهنه وهر باس. ئی بابهته ههم له لاێهن یارسانیهكانوه و ههم له لاێهن برا كوردهل له ڕێز "یڕبك" جوور خاڵێك سهرهكی و كلیلی تماشا لێ كریهت. ههر لهیوا له شوون شی كردنهوه و دیاری كردن ئهو خاڵ و كیشهگهل كوومهڵاێهتیه، باسهكان له بهشێكتره خریهنه سهر ڕێگهچاره وهدیین.
جێ وهتنه كه ئی سهمیناره بهردهوامی ههر ئهو كووبینهوهێ سێ قووڵی دهسهێ وهڕێوهبهراێهتی ئی دو لاێهنه بی كه له 20.09.2009 هاته دامهزراندن. ئفیارسان ها ئهو باوهڕه كه دیالووگ تهنیا ڕێگهچارهێ وه یهكڕهسین و هاوكاریه. ههر ئهوجوورهیچه هایمه ئهو باوهڕیچه كه واز كردن ئی چینه پهێوهندیهله له دهیشت وڵات له ناوهن چین و لاێهنه كوردیهكانه وه ئایین و زاراوهگهل جیاجیاوه توانێت كارگهری خاس و ئاشتیخوازانه داشتووت له سهر ویر و ڕا و ههڵسبنیش له كوومهڵگاێ كوردهواریه له ناو وڵات.
ئارمانجیچ له ئی كووموه بیینه ئهوهسیچه كه ڕێخوهشكهر بووت ئهڕا بهرپا كردن پرووژهگهل هاوبهشێكتر له نوروژ.
ئهڕا زانیاری له سهر شوون توانین وه ئیمهیل و ژمارهگهل خواروه پهێوهندی بگرین:
ئفیارسان: yari_yarsan@hotmail.com، 95083515 / 41007850.
گشت وه خهێر باین.
وه سپاسوه
ئهنجومهن فهرههنگی یارسان
ئوسلوو، نوروژ، 17.11.2009
Date: 18 Nov 2009 Views: 85
Print
